Heildarverðmæti gjafarinnar er um 25 milljónir króna og var nýtt til tækjakaupa en tækin verða staðsett á fjölmörgum starfsstöðvum stofnunarinnar:

Umdæmissjúkrahúsið í Neskaupstað

• Þráðlaus hjartasýrit sem gerir það að verkum að þau okkar sem þurfa stöðugt eftirlit hjartavöðvans við innlögn þurfa ekki lengur að vera rúmliggjandi heldur geta gengið um.

• Filmarey rannsóknartæki sem gerir það að verkum að hægt er að greina hér á svæðinu hinar ýmsu veirur og bakteríur sem við áður þurftum að senda til rannsóknar annað.

Heilsugæslan Egilsstöðum

• Eyrnasmásjá.

• Búnaður sem auðveldar umbúnað látinna t.d. kælar og bekkir sem skiptir okkur verulegu máli enda er það metnaður okkar að sýna ýtrustu virðingu við slíkar aðstæður.

Heilsugæslan Djúpavogi

• Holter hjartarannsóknartæki sem gerir okkur kleyft að rannsaka yfir langan tíma, allt að 24 klst starfsemi hjartavöðvans á meðan þjónustuþegi heldur áfram sinni daglegu iðju. Áður þurftu íbúar þar að fara á Reyðarfjörð eða á Egilsstaði fyrir slíka rannsókn.

Heilsugæslan Fjarðabyggð

• Skilvinda sem skilur að blóðvökva og gerir okkur kleyft að rannsaka hina ýmsu þætti blóðsins.

• Stóll sem notaður er í skoðanir háls-, nef- og eyrnalæknis.

• Tæki til að skoða augnbotna.

• Blóðtökustóll.

HeilsugæslanSeyðisfirði

• Blóðtökustóll.

HSA þakkar innilega fyrir höfðinglega gjöf en hún er stofnuninni hvatning til uppbyggingar heilbrigðisþjónustu fyrir alla íbúa Austurlands.