Hjá Heilbrigðisstofnun Austurlands starfa 11 sjúkraþjálfarar sem sinna fjölbreyttum verkefnum víða í starfsemi HSA, meðal annars á endurhæfingardeildum á Egilsstöðum og í Neskaupstað, á heilsugæslum og á hjúkrunarheimilum.

Starf sjúkraþjálfara er fjölbreytt en þau styðja fólk við að bæta hreyfigetu, styrk, jafnvægi og færni, draga úr verkjum og stuðla að auknum lífsgæðum. Þau sinna fólki á öllum aldri og við ólíkar aðstæður – allt frá endurhæfingu eftir veikindi, aðgerðir eða slys til þess að viðhalda færni og sjálfstæði til lengri tíma.

Við hjá HSA erum afar þakklát fyrir okkar öfluga hóp sjúkraþjálfara og það mikilvæga starf sem þeir vinna alla daga fyrir fólk á Austurlandi

Til hamingju með daginn, sjúkraþjálfarar!