Í markhópi teymisins eru einstaklingar 18 ára og eldri með alvarlegar og/eða óvenjulegar taugaþroskaraskanir en fyrst og fremst þroskahömlun.

Hluti hópsins er með einhverfu auk annars samþætts heilsufarsvanda tengdum fötlun, til dæmis flogaveiki, CP og/eða hreyfihömlun. Að auki þarf að vera til staðar klínískur geðrænn vandi og/eða krefjandi hegðun.

Teymiðsinnir ekki frumgreiningu vegna gruns um einhverfu eða skyldar raskanir.

Þjónustan er þverfagleg og er veitt með heimavitjunum og viðtölum í húsnæði teymisins.

Teymið:

• Eflir styrkleika til að ná tökum á bata og líðan.

• Fræðir um hvernig ná má jafnvægi í daglegu lífi.

• Eykur skilning, styrk og getu til að takast á við geðrænan vanda.

Í boði er:

• Mat á andlegri líðan og líkamlegu ástandi.

• Mat á lyfjameðferð.

• Meðferð, fræðsla og stuðningur til einstaklingsins, fjölskyldu hans og/eða stuðningsaðila.

• Stuðningur til að auka félagslega virkni og gildi í daglegu lífi.

• Ráðleggingar um hvar hægt er að fá frekari stuðning eða fræðslu.

Markmiðin með þjónustu teymisins eru að:

• Stuðla að og viðhalda bata og færni.

• Tryggja einstaklingsmiðaða þjónustu.

• Tryggja samfellu og samþættingu í meðferð.

• Efla sálrænt og félagslegt heilbrigði einstaklingsins.

• Hvetja til sjálfshjálpar og sjálfsvirðingar.

• Styðja einstaklinginn í að lifa innihaldsríku lífi.

• Veita stuðning og ráðgjöf til aðstandenda og starfsfólks stoðþjónustu sveitarfélaga.

Teymið byggir á þverfaglegri samvinnu. Samsetning fagstétta hverju sinni getur verið mismunandi en oftast atferlisfræðingur, geðlæknir, heimilislæknir, hjúkrunarfræðingur, iðjuþjálfi, sálfræðingur og þroskaþjálfi.

Áhersla er á samskipti við hinar ýmsu stofnanir, þjónustu- og stuðningsaðila og félagasamtök.

• Fagstjóri: Bjargey Una Hinriksdóttir

• Yfirlæknir: Dagur Bjarnason