Þjónusta teymisins er fyrir fólk sem er í afplánun í fangelsi. Geðheilsuteymi fangelsa þjónar öllum fangelsum landsins.

Geðheilsuteymið sinnir almennri geðheilbrigðisþjónustu svo sem greiningu og meðferð geðraskana, fíknivanda og ADHD.

Þjónustan er þverfagleg og er veitt með:

• Heimsóknum í fangelsin

• Símaviðtölum

• Fjarfundabúnaði

Geðheilsuteymi fangelsa vísar einnig á aðra geðheilbrigðisþjónustu sem þörf er á.

Samsetning fagstétta teymisins getur verið mismunandi hverju sinni, til dæmis geðlæknar, hjúkrunarfræðingar, sálfræðingar og iðjuþjálfar.

Samráð er á milli teymisins og annarra heilbrigðisstarfsmanna í fangelsunum auk þess sem samstarf er við meðferðarsvið fangelsismálastofnunar, félagsþjónustu og grasrótarsamtök sem láta sig varða málefni fólks í og eftir afplánun.

Teymisstjóri: Matthías Matthíasson