Þjónustan er fyrir einstaklinga 18 ára og eldri sem eru með langvinnan geðrænan vanda og í þörf fyrir þverfaglega meðferð og endurhæfingu.

Einstaklingar þurfa að hafa andlega og líkamlega getu til að nýta sér meðferð í geðheilsuteymi. Í vissum tilfellum er þörf á að einstaklingar nái ákveðnu jafnvægi áður en hægt er að meta þörf fyrir þverfaglega meðferð í geðheilsuteymi. Geðheilsuteymin leggja ríka áherslu á mætingu í úrræði og virkni á vegum teymis. Miðað er við að einstaklingar séu í að hámarki 50 prósent náms- og eða starfshlutfalli samhliða þjónustu geðheilsuteymanna.

Þjónusta geðheilsuteymis getur verið ótímabær ef:

• Fæðingarorlof er fyrirhugað á næstunni eða löng fjarvera, til dæmis vegna dvalar erlendis stendur til.

• Barn eða börn eru ekki með dagvistun.

• Einstaklingur hefur orðið fyrir nýlegu áfalli eða atburði sem hefur áhrif á getu til að sinna meðferð í teymi.

Teymin hjálpa einstaklingnum að:

• Efla styrkleika og áhugasvið sem valdeflandi leið til að ná bata.

• Læra leiðir til að bæta líðan og ná jafnvægi.

• Auka skilning, styrk og getu til að takast á við geðræna erfiðleika.

Í boði er:

• Stuðningur til að auka virkni og endurheimta félagsleg hlutverk.

• Regluleg námskeið um geðræn einkenni, grunnþarfir einstaklingsins og áhrif áfalla.

• Mat á andlegu ástandi og þjónustuþörf.

• Fræðsla og meðferð fyrir einstaklinginn og fjölskyldu hans.

• Mat og ráðleggingar á geðlyfjameðferð.

Áhersla er á:

• Vinnu á jafningjagrunni og aðkomu einstaklinga með reynslu af geðrænum erfiðleikum.

• Samfellda meðferð og að skoða þætti sem hafa áhrif á andlega heilsu.

• Samskipti við aðrar stofnanir, þjónustuaðila og félagasamtök sem sinna einstaklingnum.

Geðheilsuteymin eru fyrir þau sem þurfa meiri og sérhæfðari þjónustu en er veitt á heilsugæslustöðvum.

Þjónustan er þverfagleg og veitt í viðtals- og fræðsluformi í húsnæði geðheilsuteymis.

Teymin hafa að leiðarljósi að skoða alla þætti sem hafa áhrif á andlega heilsu einstaklingsins.

Samsetning fagstétta hverju sinni getur verið mismunandi. Í teymunum starfa alla jafna hjúkrunarfræðingar, sálfræðingar, geðlæknar, íþróttafræðingar, félagsráðgjafar, fjölskyldufræðingar og iðjuþjálfar auk notendafulltrúa og skrifstofustjóra.

Markmið þjónustu geðheilsuteymanna eru að:

• Stuðla að og viðhalda bata.

• Efla sálrænt og félagslegt heilbrigði einstaklingsins og fjölskyldu hans.

• Hvetja til sjálfshjálpar og sjálfsvirðingar.

• Styðja einstaklinginn í að lifa innihaldsríku lífi.

• Fækka endurinnlögnum og styrkja aðlögunarhæfni eftir útskrift af sjúkrahúsum.

Geðheilsuteymin hafa batahugmyndafræðina að leiðarljósi.

Batahugmyndafræðin leggur áherslu á að viðhalda von og skapa betra líf með því að byggja á styrkleikum.

Þessi hugmyndafræði byggir á samvinnu við einstaklinginn, þar sem markmið eru sett í sameiningu og stuðlað að sjálfsábyrgð og valdeflingu.

Geðheilsuteymi austur

• Forstöðumaður Íris Dröfn Steinsdóttir

• Skrifstofustjóri Ragnheiður Einarsdóttir

• Yfirlæknir Oddný Ómarsdóttir

Geðheilsuteymi suður

• Forstöðumaður Margrét Ófeigsdóttir

• Skrifstofustjóri María Ósk Stefánsdóttir

• Yfirlæknir Júlíus Ingólfur Schopka

Geðheilsuteymi vestur

• Forstöðumaður Hrönn Harðardóttir

• Skrifstofustjóri Sara Bragadóttir

• Yfirlæknir Ingólfur Sveinn Ingólfsson