Leyfi til að framleiða skotvopn og skotfæri í atvinnuskyni

Almennt

Einstaklingur sem hyggst framleiða skotvopn eða skotfæri í atvinnuskyni þarf sérstakt leyfi lögreglu.

Undir framleiðslu telst:

• nýsmíði og viðhald

• viðgerðir og breytingar skotvopna

Lögaðili getur sömuleiðis fengið slíkt leyfi, en þá þarf að tilnefna einstakling sem uppfyllir þær kröfur sem hér er fjallað um.

Skilyrði

Umsækjandi þarf að:

• vera með skotvopnaleyfi í gildi

• geta sýnt fram á hæfni til framleiðslunnar eins og byssusmíðaréttindi frá viðurkenndum skóla eða meistararéttindi í rennismíði

Þar að auki þarf að:

• hafa yfir að ráða fullnægjandi aðstöðu til varðveislu skotvopna

• vera með öryggiskerfi tengt stjórnstöð hjá viðurkenndu öryggisfyrirtæki

• vera með húsnæði sem stenst úttekt lögreglu, eldvarnaeftirlits og vinnueftirlits

Umsókn

Umsókn skal senda í tölvupósti á þitt umdæmi.

Í tölvupósti þarf að heimila lögreglu að skoða sakavottorð.

Lögregla skoðar málaskrá lögreglu og sakavottorð við vinnslu umsóknar.

Fylgigögn

Með umsókn þarf að fylgja:

• staðfesting á viðurkenndri menntun og starfsreynslu

• staðfesting á vöktun öryggiskerfis hjá viðurkenndu öryggisfyrirtæki

Kostnaður

56.000 krónur

Gildistími

Hámark 5 ár