Kröfur til ökuskóla sem bjóða upp á netnám

Hlusta

Orðskýringar

Nám - yfirheiti yfir netnám, staðnám og nám sem fer fram í fjarfundi.
Fjarnám - nám í rauntíma þar sem nemendur og kennari eru landfræðilega aðskildir, fjarfundur.
Netnám - nám sem ekki fer fram í rauntíma
Námskeið - stakt námskeið, til dæmis innan endurmenntunar atvinnubílstjóra.
Námsgrein - til dæmis umferðarsálfræði sem hluti af grunnnámi í auknum ökuréttindum og stór ökutæki sem hluti af framhaldsnámi í auknum ökuréttindum.
Lota - kennslufræðileg heild innan námsgreinar eða námskeiðs. Lota getur saman staðið af fleiri en einni kennslustund (45 mín) eða verið styttri eftir eðli náms sem um ræðir.
Faglegar og formlegar lágmarkskröfur eru samkvæmt eftirfarandi lýsingu:

Almennt

Innskráning í nám skal fara fram með rafrænum skilríkjum eða annarri rafrænni auðkenningu, til dæmis tveggja þátta auðkenningu.

Fyrirkomulag

Nemandi á að fá nákvæmar upplýsingar um fyrirkomulag námsins, um markmið, skipulag og forsendur þess sem og um kröfur sem gerðar verða til hans og hann getur gert til skólans.
Skóli skal tryggja að nemandi uppfylli skilyrði til að mega hefja nám, til dæmis með staðfestingu frá nemanda við skráningu í nám.
Efnistök eiga að vera skilgreind í kennsluskrá skólans og í samræmi við námskrá.

Tæknilegar kröfur

Framsetning þarf að vera gagnvirk og árangursstýrð með sjálfvirkum hætti.
Gera þarf raunhæfar ráðstafanir sem tryggja að nemandi hafi tileinkað sér efnið eins og hann væri í staðbundnu námi.
Taka skal mið af þörfum þeirra sem eiga erfitt með að lesa í allri framsetningu ritaðs máls.
Nemandi skal hafa möguleika á því að hafa samband við kennara skólans til að leita ráða eða skýringa á meðan á námi stendur. Upplýsingar um kennara og tengiliðaupplýsingar skulu koma fram á vefsvæði. Kennari skal svara nemendum innan sólarhrings á virkum dögum.
Skólinn skal halda nákvæma skrá yfir allar aðkomur nemanda að náminu, til dæmis hve oft og hvenær nemandi skráir sig inn og hvað hann gerir.

Uppsetning

Dreifing námsins á að vera í samræmi við fyrirmæli námskrár.

Námsefni

Nemandi skal hafa aðgang að námsefni, sem er í samræmi við skilgreind markmið í námskrá, fyrir tilstuðlan skólans.

Nánari fyrirmæli samkvæmt tegund náms

Skipulögð og skilgreind samskipti þurfa að eiga sér stað á milli verklega ökukennarans og skólans, ökukennari á að fá upplýsingar um faglega framvindu námsins.

Í netnámi skal námsgreinum skipt upp í lotur þar sem fylgst er með framvindu nemanda.
- Hver lota skal að jafnaði jafngilda tveimur kennslustundum (2x45 mín) hið mesta.
- Í hverri lotu skal vísa í námsefni sem nemandinn verður að kynna sér sérstaklega.
- Lotur skulu tengjast saman og mynda eina kennslufræðilega heild sem talist getur tæmandi og í samræmi við námskrá.
Í hverri lotu, áður en henni er lokið, skal meta kunnáttu nemandans úr því efni sem hún hefur náð til til dæmis með spurningum sem nemandinn þarf að svara. Nemandi þarf að skila 80% árangri til að komast áfram. Nemandi og kennari hans eiga að fá niðurstöðu úr þessu mati eftir því sem við á.
- Frá því að einni lotu er lokið skal hið minnsta líða sólarhringur þar til að opnast fyrir næstu lotu.
Skólinn skal í lok námsgreinar leggja fyrir sérstakt lokamat til að meta hvort nemandi hafi náð að tileinka sér efnið. Niðurstöður skal nota til að tilkynna nemendum um árangur sinn og endurskoða kennsluhætti eftir atvikum.
- Lágmarksárangur skal vera 80%. Ekki þarf að líða sólarhringur á milli tilrauna.
Skólinn skal í lok námsgreinar staðfesta þátttöku nemandans í viðkomandi námsgrein (Ö1, Ö2).
Nemandi skal ljúka námi í námsgrein innan 30 daga frá því að hún hefst.

Í netnámi skal námsgreinum skipt upp í lotur þar sem fylgst er með framvindu nemanda.
- Í hverri lotu skal vísa í námsefni sem nemandinn verður að kynna sér sérstaklega.
Lotur skulu tengjast saman og mynda eina kennslufræðilega heild sem talist getur tæmandi og í samræmi við námskrá.
Meta skal kunnáttu nemandans jafnóðum, til dæmis í lok hverrar lotu með spurningum sem nemandinn þarf að svara.
Skólinn skal í lok námsgreinar (umferðarsálfræði, bíltækni og svo framvegis) leggja fyrir þekkingarkönnun til að meta hvort nemandi hafi náð að tileinka sér efnið. Niðurstöður skal nota til að tilkynna nemendum um árangur sinn og endurskoða kennsluhætti eftir atvikum. Nemandi og kennari hans sem annast verklega þáttinn eiga að fá niðurstöðu úr þessu mati eftir því sem við á.
- Lágmarksárangur skal vera 80%. Ekki þarf að líða sólarhringur á milli próftilrauna.
Skólinn skal í lok náms staðfesta þátttöku nemandans.
Nemandi skal ljúka námi í námsgrein innan 30 daga frá því að hún hefst.
Nemandi má mest taka 7 stundir á sólarhring í netnámi.

Námskeiði skal skipta upp í lotur þar sem fylgst er með framvindu nemanda
Lotur skulu tengjast saman og mynda eina kennslufræðilega heild sem talist getur tæmandi og í samræmi við námskrá.
Nemandi skal ljúka námi í námskeiði innan 48 klukkustunda frá því að það hefst.
Meta skal kunnáttu nemandans jafnóðum, til dæmis í lok hverrar lotu með spurningum sem nemandinn þarf að svara.
- Nemandi þarf að skila 80% árangri til að komast áfram.
Skólinn skal í lok námskeiðs leggja fyrir sérstakt mat til að meta hvort nemandi hafi náð að tileinka sér efni námskeiðsins. Niðurstöður skal nota til að tilkynna nemendum um árangur sinn og endurskoða kennsluhætti eftir atvikum.
- Lágmarksárangur er 80%. Ekki þarf að líða sólarhringur á milli próftilrauna.
Nemandi má eingöngu vera skráður í eitt námskeið í einu og mest má taka 7 stundir á sólarhring.
Námskeiðshaldari skal staðfesta að nemandinn hafi lokið námskeiðinu á fullnægjandi hátt með útgáfu skjals og skrá þátttakendur í gagnagrunn. Tryggt skal að þátttakendur fái staðfestingu á að hafa lokið endurmenntunarnámskeiðinu.

Þjónustuaðili

Samgöngustofa

Kröfur til ökuskóla sem bjóða upp á netnám

Orðskýringar

Faglegar og formlegar lágmarkskröfur eru samkvæmt eftirfarandi lýsingu:

Almennt

Fyrirkomulag

Tæknilegar kröfur

Uppsetning

Námsefni

Nánari fyrirmæli samkvæmt tegund náms

Almenn ökuréttindi (B-flokkur)

Aukin ökuréttindi (meirapróf)

Endurmenntun atvinnubílstjóra