Hljóðstigsvottorð

Allar flugvélar og þyrlur sem hafa tegundarvottorð (Type Certificate) útgefið af EASA þurfa að vera með hljóðstigsvottorð

Á vef EASA er að finna upplýsingar um samþykkt hljóðstig fyrir allar gerðir flugvéla og þyrlna sem eru með EASA Type Certificate. Vandamál við að finna rétt hljóðstig koma helst upp ef loftförum hefur verið breytt fyrir stofnun EASA og vottun breytinga ekki verið framkvæmd hjá EASA.

Framkvæmd

Hljóðstigsvottorð skal gefa út fyrir hvert loftfar þegar það er skráð í loftfaraskrá og fær íslenska skráningarstafi.

Aðeins þarf að endurnýja þessi vottorð ef breytingar eru gerðar sem hafa möguleg áhrif á hljóðstyrk loftfarsins eins og breytingar á

• hreyflum

• skrúfum

• hámarksþyngdum

Gefa þarf út nýtt vottorð ef

• skráningarstöfum (TF-) loftfarsins er breytt

Hljóðstigsvottorðið skal ætíð vera aðgengilegt ásamt öðrum gögnum sem tilheyra loftfarinu.

Útgáfa vottorða

Gefin eru út hljóðstigsvottorð fyrir þau loftför í einka- og kennsluflugi sem eru með lofthæfiskírteini í gildi gegn greiðslu fyrir einkaflug og flugrekendur fá reikning.

• Þau loftför sem þegar eru á loftfaraskrá en eru án lofthæfis í dag fá útgefin hljóðstigsvottorð samhliða nýju lofthæfisvottorði, hafi slíkt hljóðstigsvottorð ekki þegar verið gefið út.

• Í þeim tilfellum þar sem ekki liggja fyrir nægilegar upplýsingar er kallað eftir þeim gögnum sem vantar.

• Glatað hljóðstigsvottorð er hægt að fá endurútgefið gegn gjaldi.

Lög og reglur

Hljóðstigsvottorð EASA er gefið út á EASA Formi 45 af Samgöngustofu í samræmi við hluta I í Parti 21 í reglugerð nr. 380/2013.