Verkefnum sérsveitar fjölgar á milli mánaða

Verkefnum sérsveitar ríkislögreglustjóra fjölgaði um nær 100% á milli september og október og hafa aldrei verið fleiri. 41 verkefni voru skráð hjá sérsveit í september á móti 74 í síðasta mánuði.

Þá fjölgaði tilkynningum um vopn einnig mikið á milli mánaða. Voru tuttugu og fjögur í september á móti fjörutíu og níu í október.

Það sem af er ári hefur verkefnum sérsveitar fjölgað jafnt og þétt frá áramótum. Verkefnin voru fæst í febrúar og mars eða tuttugu og fjögur hvorn mánuð.