13. október 2023
13. október 2023
TR fær Jafnvægisvogina 2023
Tryggingastofnun hlaut viðurkenningu Jafnvægisvogarinnar fyrir árið 2023 sem var afhent í gær á stafrænu ráðstefnunni Við töpum öll á einsleitninni – Jafnrétti er ákvörðun.
Það er Félag kvenna í atvinnulífinu (FKA) sem veitir viðurkenninguna. Huld Magnúsdóttir, forstjóri TR, tók við henni fyrir hönd TR frá Elizu Reid forsetafrú. Hjá TR er jafnt vægi kynja í framkvæmdastjórn, en þær stofnanir og fyrirtæki sem fá viðurkenninguna hafa náð að jafna kynjahlutfall í framkvæmdastjórnum sínum.
Jafnvægisvogin er hreyfiaflsverkefni FKA sem hefur þann tilgang að auka á jafnvægi kynja í efsta lagi fyrirtækja, stofnana og sveitarfélaga. Að þessu sinni voru það 89 aðilar sem fengu viðurkenningu, en 289 aðilar eru þátttakendur í Jafnvægisvoginni.
Hér má sjá frétt og upptöku af ráðstefnu FKA.
