Skemmdarverk í Reykjavík

Karl um þrítugt var handtekinn í Hlíðunum í gær en þar hafði hann brotið tvær rúður í fjölbýlishúsi. Maðurinn var fluttur á lögreglustöð en ekki er vitað hvað honum gekk til. Rúða var sömuleiðis brotin hjá fyrirtæki í miðborginni en skemmdarvargurinn er ófundinn. Rúða var líka brotin í bíl í Breiðholti og þá voru unnar skemmdir á tveimur bílum, öðrum í Grafarvogi en hinum í vesturbæ borgarinnar.