20. ágúst 2021
20. ágúst 2021
Sjúkratryggingar Íslands semja um fjölbreytt COVID úrræði
Sjúkratryggingar Íslands (SÍ) hafa á síðustu dögum samið um fjölda COVID tengdra úrræða til að styrkja innviði heilbrigðiskerfisins. Þetta er samkvæmt tilmælum heilbrigðisráðherra í kjölfar þess að ríkisstjórnin fundaði um langtímaviðbúnað og styrkingu innviða vegna faraldursins.
![](https://images.ctfassets.net/8k0h54kbe6bj/3hHbVHkBee6hBvJPJohxus/662573a957131341ef7e6e32f0bdf29a/STI_Logo_Litur_transparent.jpg?w=50&fm=webp&q=80)
![Sjúkratryggingar lógó](https://images.ctfassets.net/8k0h54kbe6bj/3hHbVHkBee6hBvJPJohxus/662573a957131341ef7e6e32f0bdf29a/STI_Logo_Litur_transparent.jpg?w=774&fm=webp&q=80)
Meðal annars hefur verið gerður samningur við Reykjalund um að taka við sjúklingum til endurhæfingar frá Landspítala, samningur um farsóttarhús á Akureyri auk þess sem samið hefur verið við Klíníkina um að leggja til aukamannafla fyrir Landspítala. Öll þessi úrræði eru þegar komin í notkun en í gær var farsóttarhús opnað á Akureyri. Sem fyrr er það Rauði krossinn sem annast rekstur hússins.
Fleiri samningar eru í vinnslu hjá Sjúkratryggingum með það fyrir augum að gera innviði samfélagsins betur í stakk búna til að takast á við faraldurinn. Meðal annars er unnið að samningi um sérstaka COVID deild fyrir aldraða, en slík deild var sett tímabundið á fót fyrr í faraldrinum.
Sjúkratryggingar vilja koma á framfæri þökkum til allra samningsaðila sinna fyrir skjót og góð viðbrögð við erfiðar aðstæður.