7. júlí 2022
7. júlí 2022
Sex einstaklingar hafa greinst með apabólu á Íslandi.
Alls hafa nú sex einstaklingar greinst með apabólu á Íslandi. Allir eru karlmenn á miðjum aldri og eru smit allra, nema tveggja, rakin til útlanda. Enginn er alvarlega veikur og enginn hefur þurft að leggjast inn á sjúkrahús.
![](https://images.ctfassets.net/8k0h54kbe6bj/a9ZBNfhmLHI9nx8BPklXH/9da2ab8e37d80cae2d949f0ce7c74cb6/Lit_ISL_ENG_copy.png?w=50&fm=webp&q=80)
![Landlæknir logo](https://images.ctfassets.net/8k0h54kbe6bj/a9ZBNfhmLHI9nx8BPklXH/9da2ab8e37d80cae2d949f0ce7c74cb6/Lit_ISL_ENG_copy.png?w=774&fm=webp&q=80)
Alls hafa nú sex einstaklingar greinst með apabólu á Íslandi. Allir eru karlmenn á miðjum aldri og eru smit allra, nema tveggja, rakin til útlanda. Enginn er alvarlega veikur og enginn hefur þurft að leggjast inn á sjúkrahús.
Apabóla er enn í töluverðri útbreiðslu víða um heim og nú hafa um 6.000 manns greinst í rúmlega 30 löndum. Flestir sem greinast eru karlmenn á miðjum aldri og flestir hafa smitast með kynmökum. Alvarleg veikindi eru fátíð.
Enn er beðið eftir að bóluefni gegn apabólu berist til landsins en von er á því á næstu vikum. Ekki hefur verið ákveðið endanlega hvernig bóluefnið verður notað en líklega verður það í boði fyrir einstaklinga í áhættuhópum og þá sem taldir eru geta veikst alvarlega eftir að hafa verið útsettir.
Sömuleiðis hafa veirulyf gegn apabólu ekki enn borist og ekki er vitað hvenær von er á þeim.
Sóttvarnalæknir