Sendinefnd í Skandinavíu: „Mun meiri áhugi á SAk og Akureyri en ég hafði búist við“

Talið er að um 800 íslenskir læknar starfi á erlendri grundu, flestir í Svíþjóð, en lítill hluti þeirra starfar utan Norðurlanda. Sendinefndin hélt kynningar á nýjum kjarasamningum í fjórum borgum í Svíþjóð og Danmörku. „Við hittum tæplega 100 lækna sem hafa ýmist lokið sérnámi eða eru í sérnámi“ segir Ragnheiður Halldórsdóttir, framkvæmdastjóri lækninga á SAk, og bætir við: „Greinilegt er að meirihluti læknanna sem mættu stefnir á að snúa aftur heim á næstu árum. Mun meiri áhugi var á SAk og Akureyri en ég hefði búist við. Ég tel að við eigum eftir að ná að fjölga sérfræðilæknum og sérgreinum á næstu árum og byggja þannig upp enn öflugri þjónustu.“ segir Ragnheiður.