25. ágúst 2026
25. ágúst 2026
RITUNARRAMMINN – NÁMSKEIÐ Í BOÐI
Ritunarrammann er nýtt verkfæri fyrir kennara sem aðstoðar þá við skipulag og kennslu ritunar. Með notkun rammans fæst heildarsýn yfir grunnþætti ritunar, hvað þarf að kenna og þjálfa á hverju stigi upp allan grunnskólann og því getur hann jafnframt nýst skólastjórnendum og læsisteymum skóla sem vilja tryggja samfellu í ritunarnámi nemenda sinna.
Námskeið um notkun Ritunarrammans í kennslu er nú aðgengilegt!
Í boði eru tvö sjálfstæð námskeið sem gagnast öllum kennurum sem koma að kennslu ritunar í grunnskólum: rafrænt námskeið og Menntafléttunámskeið.
Rafrænt námskeið sem hægt er að taka þegar hverjum hentar. Í því kynnast þátttakendur matsrammanum, efnisþáttum ritunar og fá fyrstu hugmynd um notkun.
Hægt er að nálgast rafræna námskeiðið hér.
Menntafléttunámskeiðið er hagnýtt og sniðið að þörfum starfandi kennara og stjórnenda sem vilja efla þekkingu sína á ritunarkennslu og skipuleggja virka og ígrundaða ritunarkennslu. Þátttakendur fá leiðsögn og verkfæri sem hjálpa þeim við skipulagninguna þannig að hún verði heildstæð, markviss og með skýrum stíganda frá byrjun til enda grunnskólagöngu.
Námskeiðið er gjaldfrjálst og kennt í lotum sem dreifast jafnt yfir skólaárið 2026-2027.
Hér er hægt að lesa um Menntafléttunámskeiðið og skrá sig.