Rannsókn mannsláts í Hveragerði að ljúka

Bráðabirgðaniðurstaða krufningar mannsins sem lést í Hveragerði s.l. föstudagskvöld er sú að um sjúkdóm, sem valdið hafi mikilli blæðingu, hafi verið að ræða. Rannsókn málsins, sem var mjög ítarleg og fól í sér skýrslutökur af vitnum, eftirgrennslan hjá nágrönnum og nákvæma tæknirannsókn, er því að mestu lokið af hálfu lögreglu.