6. janúar 2022
6. janúar 2022
Nýir yfirlæknar á HSN
Jóhann Johnsen var ráðinn í starf yfirlæknis á HSN á Húsavík og Rúnar Sigurður Reynisson hefur hafið störf sem yfirlæknir á HSN á Dalvík
HSN Húsavík
Gengið hefur verið frá ráðningu yfirlæknis á HSN Húsavík. Starfið var auglýst laust til umsóknar í haust. Jóhann Johnsen, sérfræðingur í heimilislækningum var ráðinn í starfið.
Jóhann hefur undanfarið starfað sem yfirlæknir á Heilbrigðisstofnun Vesturlands á heilsugæslunni í Borgarnesi. Hann hefur 13 ára starfsreynslu sem sérfræðingur í heimilislækningum, bæði í Skandinavíu og hér á landi. Hann starfaði m.a. um tíma sem sérfræðingur í heimilislækningum á HSN Sauðárkróki.
Jóhann hefur störf þann 7. janúar 2022 og er boðinn velkominn til starfa.
HSN Dalvík
Þann 1. nóvember 2021 tók Rúnar Sigurður Reynisson við stöðu yfirlæknis á HSN Dalvík. Rúnar hefur tæplega 30 ára starfsreynslu sem sérfræðingur í heimilislækningum. Síðustu ár starfaði hann á HSN Akureyri og þar áður var hann yfirlæknir á HSA Seyðisfirði í tæp 20 ár.
Rúnar er boðinn velkominn til starfa.