Nordforsk styrkir til menntarannsókna

Áhyggjur af lýðræði, skautun og jaðarsetningu fara vaxandi, samtímis hröðum tækniframförum sem hafa áhrif á nám og kennslu. Norðurlöndin og Eystrasaltsríkin, sem lengi hafa verið þekkt fyrir áherslu á jafnrétti, standa frammi fyrir þeirri áskorun að laga sig að breyttum heimi jafnframt því að varðveita grunngildi sín. Auglýsing Nordforsk varðar grunnrannsóknir á sviði menntarannsókna með það að markmiði að skapa nýja þekkingu.

Vefkynning 11. febrúar

Nordforsk verður með vefkynningu og spurningar og svör 11. febrúar kl. 9 að íslenskum tíma.
Skrá mig á vefkynninguna

Tengslalisti

Viltu tengjast öðru vísindafólki sem hefur áhuga að sækja um? Hægt er að skrá sig á tengslalista fyrir 22. mars nk.
Skrá mig á tengslalista

Umsóknarfrestur, fjárhagur og auglýsing

• Skilafrestur er 22. apríl 2026, kl. 12 að íslenskum tíma.

• Fjárhæð til úthlutunar til Norðurlanda er allt að 65 milljónir norskra króna (NOK).

• Norrænir þátttakendur í sama verkefni geta sótt um allt að 13 milljónir norskra króna (NOK).

• Frétt Nordforsk um styrkina.

Helstu þátttökuskilyrði og áherslur

• Þáttökulönd eru Norðurlöndin ásamt Eistlandi og Litáen. Norðurlöndin er skilgreind sem: Danmörk, Finnland, Ísland, Noregur, Svíþjóð, Færeyjar, Grænland og Álandseyjar.

• Rannsóknastofnanir frá a.m.k. þremur Norðurlandanna verða að taka þátt – eða frá a.m.k. tveimur Norðurlandanna og annað hvort Eistlandi eða Litháen.

• Rannsóknaverkefnið skal hýsa hjá rannsóknastofnun í einhverju Norðurlandanna eða Eistlandi eða Litáen; ath. sérreglur um þau síðarnefndu. Rannsóknastofnun er skilgreind sem lögaðili, opinber eða einkarekinn, sem hefur það aðalmarkmið að stunda rannsóknir, og greiðir ekki arð af starfsemi sinni).

• Hvatt er til virkrar þátttöku yngra vísindafólks, þ.e. á fyrri hluta ferilsins (early-carreer researchers), þ.e. að það sé í lykilstöðum og að verkefnið styðji uppbyggingu starfsferils þess.

• Þverfaglegar nálganir: Rannsóknaspurningar ættu að byggja á þverfaglegum grunni.

• Samfélagleg áhrif, þ.e. þátttaka aðila á sviði menntmála og þekking sem gagnast fagfólki í menntakerfinu, stjórnkerfinu og fleirum.

Sjá nánar um skilyrði og áherslur í auglýsingu Nordforsk.