6. ágúst 2024
6. ágúst 2024
Námskeið á háskólastigi um heilbrigði plantna
Brynja Hrafnkelsdóttir, sérfræðingur hjá Landi og skógi, leiðbeinir ásamt fleiri sérfræðingum á fjögurra ECTS-eininga námskeiði um heilbrigði platna sem hefst 21. ágúst hjá Endurmenntun Landbúnaðarháskóla Íslands.
![](https://images.ctfassets.net/8k0h54kbe6bj/5js8yf9kDTSYqVnk7hCWsz/476785cb3af41632b2eb3465e874624f/Heilbrig_i_plantna.png?w=50&fm=webp&q=80)
![Heilbrigði plantna](https://images.ctfassets.net/8k0h54kbe6bj/5js8yf9kDTSYqVnk7hCWsz/476785cb3af41632b2eb3465e874624f/Heilbrig_i_plantna.png?w=774&fm=webp&q=80)
Á námskeiðinu verður fjallað um skaða af ólífrænum umhverfisþáttum eins og veðri með áherslu á frostskemmdir. Nemendur fá innsýn í heim örvera og smádýra sem skaða plöntur en einnig verður lýst áhrifum skaðvaldanna á plönturnar og vörnum plantnanna egn þeim.
Fjallað verður um lífrænar varnir og gagnlegar örverur og smádýr en í síðari hluta námskeiðsins verður litið á hvaða skaða mismunandi tegundir og ættkvíslir mikilvægra plöntutegunda og ættkvísla þeirra verða af völdum sjúkdóma og meindýra. Rætt verður um skaða í plöntuuppeldi og farið yfir lög og reglugerðir sem snerta plöntuheilbrigði.
Við lok námskeiðsins eiga nemendur að hafa tileinkað sér víðtæka þekkingu og skilning á þeim umhverfisþáttum og lífverum sem hafa áhrif á plöntuheilbrigði, þekkja orsakir og alla algenga skaða á helstu tegundum nytjaplantna sem vaxa hérlendis.
Námskeiðið fer fram í fjarnámi með tveimur staðarlotum. Kennsla hefst miðvikudaginn 21. ágúst og henni lýkur miðvikudaginn 2. október.
![](https://images.ctfassets.net/8k0h54kbe6bj/3QFJKQDXr0VHjtc9qItVlx/6b4d232b4b3cd7630e8a2de8299ba5c4/Heilbrig_i_plantna.jpg?w=50)
![Heilbrigði plantna - auglýsing](https://images.ctfassets.net/8k0h54kbe6bj/3QFJKQDXr0VHjtc9qItVlx/6b4d232b4b3cd7630e8a2de8299ba5c4/Heilbrig_i_plantna.jpg)