Mikilvæg tilkynning vegna skiptimarkaðar

Upp hefur komið tæknilegt vandamál í Ugga sem gerir það að verkum að margir bjóðendur hafa ekki möguleika á því að velja skipin sín. Vonir standa til að skráning í skipaskrá verði löguð fljótt en til að gæta jafnræðis hefur verið ákveðið færa lokafrest til að skila inn tilboðum til klukkan 14:00 á morgun 1. júní.

Einnig hafa borist nokkrar fyrirspurnir um að nota krókaaflamarksbáta til að bjóða í makríl. Það er enn heimilt að nota krókaaflamarksbáta til að bjóða í makríl en að gefnu tilefni er rétt að vekja athygli á því að óheimilt er að framselja aflaheimildir í makríl sem keyptar eru á skiptimarkaði samkvæmt 6. málsgrein, 4. greinar reglugerðar um veiðar í atvinnuskyni fiskveiðiárið 2022/2023.