Landsnefndin fyrri 1770–1771 I-VI nú aðgengileg í stafrænni útgáfu

Fyrstu tvö bindi ritraðarinnar komu út árið 2016 og næstu fjögur á árunum 2017–2022. Skjöl nefndarinnar veita einstæða innsýn í íslenskt samfélag um 1770, þegar nefndin ferðaðist um landið og safnaði upplýsingum um þjóðlíf, atvinnuhætti og stjórnskipan.

Bækur ritraðarinnar skiptast efnislega þannig:

I. Bréf frá almenningi (2016)

II. Bréf frá prestum (2016)

III: Bréf frá embættismönnum (2018)

IV. Bréf frá háembættismönnum (2019)

V. Fundargerðir og bréf nefndarinnar (2020)

VI. Vinnugögn nefndarinnar (2022)

Safnið inniheldur frumbréf bæði á íslensku og dönsku, eins og þau voru upprunalega send nefndinni. Flest íslensku bréfin voru á sínum tíma þýdd af ritara nefndarinnar, Eyjólfi Jónssyni, en þau sem bárust rétt fyrir brottför nefndarinnar voru aldrei þýdd — og er bætt úr því hér í tengslum við útgáfuna. Bókunum fylgja fræðilegar greinar, ítarlegar skýringar og nafna- og efnisorðaskrár, allt bæði á íslensku og dönsku.

Bækurnar voru gefnar út í samstarfi við Ríkisskjalasafn Danmerkur og Sögufélag og þær er hægt að kaupa á vef Sögufélags eða í helstu bókaverslunum.

Hér er hægt að skoða vef Landsnefndarinnar fyrri 1770-1771 og nálgast stafræna útgáfu af bókunum.