Könnun á reynslu landsmanna af afbrotum og viðhorf til lögreglu

Í ár var könnunin framkvæmd af Maskínu og fengust alls 2.185 svör af öllu landinu meðal íbúa 18 ára og eldri. Könnuninni er skipt í þrjá þætti með spurningum er snúa að:

Hér má finna hlekk á gagnvirkt mælaborð sem sýnir niðurstöður könnunarinnar.

Helstu niðurstöður eru þær að mikill meirihluti landsmanna segja lögreglu aðgengilega og skila góðu starfi við að stemma stigum við afbrotum í sínu hverfi eða um 80% í báðum spurningum. Eins ríkir ánægja með þá þjónustu sem lögregla veitti þeim sem leituð til lögreglu, en um átta af hverjum tíu voru ánægðir.

Þá telur mikill meirihluti landsmanna (91%) sig vera öruggan í eigin hverfi/byggðarlagi þegar myrkur er skollið en töluvert færri töldu sig örugga í miðborginni eftir myrkur, eða um 40%. Öryggi í miðborginni er þó meira meðal íbúa höfuðborgarsvæðinu en á landsbyggðinni og eins telja þau sem búa í eða nærri miðborginni sig öruggari en þau sem búa lengra í burtu.

Þegar litið er til reynslu landsmanna af afbrotum kemur fram að um 6,5% greindu frá því að hafa orðið fyrir innbroti árið 2024, 2,0% fyrir ofbeldisbroti og 2,1% fyrir einhverskonar kynferðisofbeldi. Af þeim sem urðu fyrir innbroti tilkynnti tæplega helmingur brotið til lögreglunnar, rúm 40% tilkynnti ofbeldisbrotið en aðeins um 9,6% þeirra sem urðu fyrir kynferðisbroti tilkynntu það til lögreglunnar.

Hér má sjá niðurstöður fyrir landið allt og hér má sjá niðurstöður fyrir lögregluna á höfuðborgarsvæðinu.

Nánar um rannsóknina:

• Netkönnun lögð fyrir Þjóðgátt Maskínu

• Úrtak: Handahófsvaldir úr Þjóðgátt Maskínu, landsmenn á aldrinum 18 ára og eldri

• Stærð úrtaks: 4.880

• Lögð fyrir 2. til 20. júní 2025

• Svarhlutfall: 45%

• Gögn voru vigtuð með tilliti til kyns, aldur, menntunarstigs og búsetu