HSN átti fulltrúa í sendinefnd íslenskra heilbrigðisyfirvalda til Skandinavíu.

Tíu manna sendinefnd íslenskra heilbrigðisyfirvalda ferðaðist um Skandinavíu með það fyrir augum að laða íslenska lækna aftur heim.

Haldnar voru kynningar í fjórum borgum í Svíþjóð og Danmörku, þar sem meðal annars var kynnt starfsumhverfi lækna á Íslandi og nýr kjarasamningur. Framkvæmdastjóri lækninga, Guðrún Dóra Clarke var fulltrúi HSN í ferðinni og sagði sendinefndina hafa fengið góðar móttökur og kynningar sem þessar á starfseminni mikilvægur liður í að laða fólk til starfa.

Sjá frétt hjá RÚV þar sem fjallað er um málið.