Hraðbankamálið – peningarnir fundnir

Eins og fram hefur komið var hraðbankanum stolið í Mosfellsbæ aðfaranótt þriðjudagsins 19. ágúst, en rannsókn málsins hefur verið í forgangi hjá Lögreglunni á höfuðborgarsvæðinu. Peningarnir voru enn í hraðbankanum þegar hann fannst í umdæminu síðdegis í gær.

Einn er nú í gæsluvarðhaldi í þágu rannsóknarinnar, karlmaður á fimmtugsaldri. Ekki var krafist áframhaldandi varðhalds yfir konu á fertugsaldri, sem einnig hefur verið í haldi vegna málsins, en gæsluvarðhaldið hennar rennur út í dag.

Ekki verða veittar frekari upplýsingar um rannsókn málsins að svo stöddu.