Heimsókn Björns Bjarnasonar

Það er jafnan gestkvæmt á lögreglustöðinni á Hverfisgötu, en á dögunum leit þar við hann Björn Bjarnason, fyrrverandi þingmaður og ráðherra. Björn hefur lengi verið ötull stuðningsmaður lögreglunnar og viljað veg hennar sem mestan, en árin 2003 til 2009 heyrðu málefni lögreglunnar einmitt undir Björn, sem þá var dóms- og kirkjumálaráðherra. Birni var að sjálfsögðu vel tekið á lögreglustöðinni og eins og áður hafði hann ýmislegt gott til málanna að leggja, en á myndinni er Björn í hópi nokkurra starfsmanna embættisins.