Hættulegt hugsunarleysi

Hugsunarleysi sumra er með ólíkindum en lögreglan verður stundum vitni að slíku. Dæmi um þetta er tilvik á Hafnarfjarðarvegi þar sem karl var staðinn að hraðakstri. Hraðakstur er slæmur einn og sér en í þessu tilfelli var líka um ræða konu sem sat í framsætinu með barnið sitt í fanginu og var sama bílbeltið spennt yfir þau bæði. Ekki þarf að fara mörgum orðum um það sem gerst hefði ef bíllinn hefði lent í árekstri. För fólksins var stöðvuð og þurfti að gera ráðstafanir svo það gæti komist áfram leiðar sinnar. Bíllinn sem um ræðir er tveggja sæta og því var ekki í boði að koma barninu örugglega fyrir í aftursæti.