4. apríl 2025
4. apríl 2025
Fréttatilkynning frá lögreglunni á Suðurnesjum og Rannsóknastofu í lyfja- og eiturefnafræði, Háskóla Íslands
Lögreglan á Suðurnesjum fer með rannsókn sakamáls sem varðar haldlagningu Tollgæslunnar á Keflavíkurflugvelli á um 20.000 töflum sem eru látnar líta út eins og Oxycontin 80 mg töflur.
Auk þess eru umbúðirnar merktar sem slíkar. Við rannsókn málsins hefur komið í ljós að um er að ræða töflur sem innihalda svokallað „nitazene“ og eru framleiddar á ólöglegum markaði.
Töflurnar voru í álþynnum merktar lyfjafyrirtækinu Mundipharma A/S og ættu samkvæmt merkingum að innihalda oxýkódon.