19. maí 2023
19. maí 2023
Græn skref í ríkisrekstri uppfyllt
Græn skref í ríkisrekstri
![](https://images.ctfassets.net/8k0h54kbe6bj/7xIrMh9SUBlUZm4jMXx4Hi/4297956a75a78bcf4fa0f819b23cfccd/grSkref1080x680.jpg?w=50&fm=webp&q=80)
![Græn](https://images.ctfassets.net/8k0h54kbe6bj/7xIrMh9SUBlUZm4jMXx4Hi/4297956a75a78bcf4fa0f819b23cfccd/grSkref1080x680.jpg?w=774&fm=webp&q=80)
Heilbrigðisstofnun Suðurlands hefur lokið fimmta og síðasta skrefi Grænna skrefa í ríkisrekstri. Að baki hverju Grænu skrefi eru 25-40 aðgerðir svo mikið hefur unnist í umhverfismálum stofnunarinnar á þessum tíma.
Verkefnið hófst í desember 2021 sem þýðir að mikill gangur hefur verið í þessari vinnu meðal starfsfólks. Samkvæmt loftlagsstefnu HSU ætlar stofnunin að vera til fyrirmyndar í sjálfbærni og leggja sitt af mörkum í baráttunni við loftlagsbreytingar. Heilbrigðisstofnun Suðurlands hefur skuldbundið sig til að huga vel að öllum umhverfismálum innan stofnunarinnar og hefur útbúið verkferla og áætlanir í takt við það.
Samkvæmt græna bókhaldinu sem skilað er inn til Umhverfisstofnunar ár hvert hefur stofnunin náð miklum árangri í úrgangsmálum, en flokkun hefur aukist ásamt því að blandaður úrgangur hefur minnkað. Einnig hefur orðið mikill samdráttur í losun frá akstri með tilkomu rafmagnsbíla.
Helstu markmið verkefnisins eru:
Draga úr neikvæðum umhverfisáhrifum af starfsemi stofnunarinnar
Efla umhverfisvitund starfsfólks
Draga úr rekstrarkostnaði
Auka vellíðan starfsfólks og bæta starfsumhverfi þeirra
![](https://images.ctfassets.net/8k0h54kbe6bj/1EJLmQRIY1k3uic2t37luL/52eda4c7637cbd0e0e73bde29136d449/Image__16_.jpeg?w=50)
![Græn skref](https://images.ctfassets.net/8k0h54kbe6bj/1EJLmQRIY1k3uic2t37luL/52eda4c7637cbd0e0e73bde29136d449/Image__16_.jpeg)
![](https://images.ctfassets.net/8k0h54kbe6bj/3GFrCa7IsWRazg10tNYMB8/773f7d499ada718a900430a555b8670a/Image__15_.jpg?w=50)
![Græn skref](https://images.ctfassets.net/8k0h54kbe6bj/3GFrCa7IsWRazg10tNYMB8/773f7d499ada718a900430a555b8670a/Image__15_.jpg)