Fíkniefni fundust í Heiðmörk

Útivistarmaður, sem var í heilsubótargöngu með hundinn sinn, tilkynnti lögreglu um sérkennilegan hlut sem varð á vegi hans í Heiðmörk í gær. Lögreglan brást fljótt við og hélt þegar á staðinn og skoðaði hlutinn, sem reyndist innihalda 400 grömm af kókaíni. Fíkniefnin höfðu verið grafin í holu í jörðinni, en það var ekki síst hundi mannsins að þakka að þau fundust.

Ekki er hægt að veita frekari upplýsingar um málið að svo stöddu.