11. maí 2022
11. maí 2022
Ertu á svölum vinnustað?
Embætti landlæknis, VIRK og Vinnueftirlit ríkisins bjóða upp á örráðstefnu um heilsueflandi vinnustaði með Marie Kingston - höfundi bókarinnar "Stop stress" og Streitustigans – á Grand hótel miðvikudaginn 18. maí.
![](https://images.ctfassets.net/8k0h54kbe6bj/a9ZBNfhmLHI9nx8BPklXH/9da2ab8e37d80cae2d949f0ce7c74cb6/Lit_ISL_ENG_copy.png?w=50&fm=webp&q=80)
![Landlæknir logo](https://images.ctfassets.net/8k0h54kbe6bj/a9ZBNfhmLHI9nx8BPklXH/9da2ab8e37d80cae2d949f0ce7c74cb6/Lit_ISL_ENG_copy.png?w=774&fm=webp&q=80)
Embætti landlæknis, VIRK og Vinnueftirlit ríkisins bjóða upp á örráðstefnu um heilsueflandi vinnustaði með Marie Kingston - höfundi bókarinnar "Stop stress" og Streitustigans – á Grand hótel miðvikudaginn 18. maí kl. 10:30 - 12:00. Aðgangur á ráðstefnuna er ókeypis.
Mary Kingston stendur einnig fyrir vinnustofu sama dag um streitu og vinnustaði, sem nýtist t.d. stjórnendum, á Grand hóteli kl. 13:00 - 16:00, miðvikudaginn 18. mars. Vinnustofan fer fram á ensku og aðgangseyrir á vinnustofuna er kr. 9.000.
Vinsamlegast athugið að skilyrði fyrir þátttöku á vinnustofunni er seta á örráðstefnunni fyrr um daginn þar sem að Marie Kingston leggur þar grunn að þeim þáttum sem unnið verður með á vinnustofunni og mun hún ekki endurtaka þann grunn.
Fjöldi þátttakenda í vinnustofunni er takmarkaður og því mikilvægt að skrá sig á virk.is.
Marie Kinsgston er vinnusálfræðingur sem hefur unnið með streitu, forystu og skipulagsþróun í fyrirtækjum og stofnunum meira en 20 ár. Hún er höfundur nokkurra bóka um streitu, þar á meðal verðlaunabókarinnar Stop Stress, sem hefur verið þýdd á ensku, rússnesku og japönsku.
Marie er stofnandi Kingston Consulting, fyrirtækis sem býður upp á leiðtoga- og skipulagsþróun, stjórnendaþjálfun og streitumeðferð og forvarnir fyrir stofnanir og fyrirtæki.
Örráðstefnan er tíundi fundurinn um heilsueflingu á vinnustöðum sem embætti landlæknis, VIRK og Vinnueftirlitið standa fyrir en stofnanirnar þrjár eiga í góðu samstarfi heilsueflingu og forvarnir á vinnustöðum.
Markmið samstarfsins er að stuðla að betri heilsu og vellíðan vinnandi fólks á vinnustöðum, fyrirbyggja kulnun og minnka brottfall af vinnumarkaði.