Dagskrá Vísindadags Heilbrigðisvísindastofnunar HA og SAk birt

Dagskráin er að vanda metnaðarfull enda hefur vísindastarf innan SAk stigvaxið síðustu árin. Heiðurserindið í ár heldur Dr. Árún K. Sigurðardóttir prófessor í hjúkrunarfræði við HA og sérfræðings í sykursýki og langvinnum sjúkdómum.

Á dagskrá eru fjölmörg erindi svo sem um þróun líkamsþyngdar barnshafandi kvenna við upphaf meðgöngu á Norðurlandi 2004-2022, heilsufar grunnskólabarna á Akureyri, heilsutengd lífsgæði fullorðinna einstaklinga með bláæðasár og geðlyfjanotkun kvenna á meðgöngu svo eitthvað sé nefnt. Eftir hádegi verður gervigreind í vísindum og vinnu í sérstökum fókus auk þess sem sagt verður frá rannsókn á streitu, kulnun og bjargráðum til handa hjúkrunarfræðingum í heilsugæslu og á sjúkrahúsi, öndunarmælingar á íslenskum heilsugæslustöðvum og gæði útkalla með læknismannaðri sjúkraflugvél frá Akureyri. Þá mun einnig gefast gott tækifæri til umræðna og spjall um það sem efst er á baugi í vísindavinnu á SAk.