Alvarlegt umferðarslys í Súgandafirði

Á sjötta tímanum í morgun var tilkynnt um alvarlegt umferðarslys í botni Súgandafjarðar. Þar hafði bifreið hafnað utanvegar og ökumaður slasast mjög alvarlega. Ökumaður var einn í bifreiðinni og var hann fluttur með sjúkraflugvél frá Ísafirði á Landspítala/háskólasjúkrahús í Reykjavík. Samkvæmt upplýsingum lækna er maðurinn í lífshættu. Málið er í rannsókn lögreglunnar á Vestfjörðum.