Dómasafn gefið út af dómstólum

Ákærða sakfelld fyrir líkamsmeiðingar af gáleysi og umferðarlagabrot. Var ákærðu gert að sæta fangelsi í 60 daga, skilorðsbundið til tveggja ára. Ákærða var jafnframt dæmd til greiðslu miskabóta.

Ákærði var sakfelldur fyrir akstur undir áhrifum ávana- og fíkniefna og akstur sviptur ökurétti, en farið var með mál þetta samkvæmt 164. gr. laga nr. 88/2008 um meðferð sakamála. Voru brot ákærða ítrekuð öðru sinni og honum gert að sæta fangelsi í 60 daga. Var ákærði einnig sviptur ökurétti ævilangt.

Ákærða var sakfelldur fyrir að hafa ekið bifreið sviptur ökurétti, en farið var með málið eftir a-lið 1. mgr. 161. gr. laga nr. 88/2008 um meðferð sakamála. Var brot ákærðu ítrekað öðru sinni og henni gert að sæta fangelsi í 30 daga.

Vestmannaeyjabær og Ljósleiðarinn ehf. stefndu Vinnslustöðinni hf., Huginn ehf. og VÍS tryggingum hf. vegna tjóns sem varð á neysluvatnslögn til Vestmannaeyja og ljósleiðara þar sem vatnslögnin og ljósleiðarinn lágu á hafsbotni í innsiglingunni til Vestmannaeyja. Tjónið varð þegar skip í eigu Hugins ehf. missti akkeri sem dróst eftir hafsbotninum og skemmdi vatnslögnina og ljósleiðarann. Stefndi Vinnslustöðin hf. sýknuð vegna aðildarskorts þar sem ekki var fallist á að hún væri í reynd útgerðarmaður skipsins eins og stefnendur byggðu á, þrátt fyrir að vera eini eigandi stefnda Hugins ehf. Fallist á að stefndu Huginn ehf. og VÍS tryggingum hf. hafi verið heimilt að takmarka ábyrgð sína skv. ákvæðum IX. kafla siglingalaga nr. 34/1985.

Ákærði var sakfelldur fyrir akstur sviptur ökurétti og akstur undir áhrifum hvoru tveggja áfengis og ávana- og fíkniefna. Var ákærða dæmdur hegningarauki og gert að sæta fangelsi í 9 mánuði. Þá var ævilöng svipting ökuréttar ákærða áréttuð.

Ákærði sakfelldur fyrir brot gegn umferðarlögum nr. 77/2019, lögum nr. 65/1974 um ávana- og fíkniefni og vopnalögum nr. 16/1998. Refsing ákærða var ákveðin 7 mánaða fangelsi, en þar voru 4 mánuðir bundnir skilorði til tveggja ára. Var svipting ökuréttar ákærða áréttuð og honum jafnframt gert að sæta upptöku á fíkniefnum og vopni. Um var að ræða hegningarauka við skilorðsdóm sem ákærði hafði áður hlotið. Með brotum sínum rauf ákærði jafnframt skilorð þess sama dóms.

Ákærði sakfelldur fyrir umferðarlagabrot. Farið var með málið samkvæmt 164. gr. laga nr. 88/2008. Ákærða var dæmdur hegningarauki og gert að sæta fangelsi í 60 daga. Með vísan til hegningaraukasjónarmiða var ákærða ekki gerð frekari ökuréttarsvipting.

Ákærði var sakfelldur fyrir akstur sviptur ökuréttindum. Farið var með málið eftir 161. gr. laga nr. 88/2008. Var ákærða gert að sæta fangelsi í 4 mánuði.

Í málinu var deilt um hvort forkaupsréttur stefnanda hafði orðið virkur í kjölfar kaupsamnings stefndu um fjórðungs eignarhlut í tilteknum lóðum, sumarhúsi og landsvæði og því sem þeim fasteignum fylgdi. Stefnanda hafði verið boðið að neyta forkaupsréttar að hinu selda í samræmi við 7. gr. d jarðarlaga nr. 81/2004 og ákvað með vísan til þess ákvæðis að nýta forkaupsrétt sinn og ganga inn í kaupin. Til álita kom einkum hvort til forkaupsréttar hafi stofnast samkvæmt jarðalögum eða á grundvelli löggernings. Byggt var á því af hálfu stefndu að forkaupsréttur stefnanda yrði ekki leiddur af 7. gr. d jarðarlaga, enda hafi ekki verið um að ræða jarðir í skilningi 2. gr. sömu laga. Engu að síður var fallist á með stefnanda að til löggernings hafi stofnast um nýtingu forkaupsréttarins, enda hafi forkaupsréttur verið boðinn stefnanda sem hafi ákveðið að ganga inn í kaupin á grundvelli þess boðs. Þá reyndi einnig á hvort stefndu hafi verið óheimilt að ráðstafa eignum þeim sem kaupsamningurinn tók til vegna vanheimildar. Ekki var fallist á þær málsástæður stefndu. Voru kröfur stefnanda því teknar til greina.

Ákærði var sakfelldur fíkniefnalagabrot, nytjastuld, akstur undir áhrifum ávana- og fíkniefna og akstur sviptur ökurétti og gert að sæta fangelsi í fjóra mánuði, en brotið var hegningarauki við fyrri dóm.