Breyting á notkun ökutækis

Hægt er að óska eftir breytingu á notkunarflokki ökutækis með því að fylla út umsókn og skila til Samgöngustofu.

Í sumum tilfellum þurfa ökutæki að gangast undir reglubundna aðalskoðun, breytingaskoðun eða hvoru tveggja áður en skráningu þeirra er breytt.

Algengar breytingaskráningar sem skráðar eru í breytingaskoðun á skoðunarstöð eru til dæmis

• Skráning á tengibúnaði

• Torfærubreytingar

• Breyting á notkunarflokki í og úr

  • leigubifreið

  • ökukennslu

  • húsbifreið

• Breyting á fólksbifreið í sendibifreið

• Afhending á VSK-merkjum

Notkunar- og ökutækisflokkar með rýmri skoðunartíðni

Sé ökutæki fært í nýjan notkunarflokk sem hefur rýmri skoðunartíðni en sá sem ökutækið var í áður, þarf ökutækið að gangast undir reglubundna skoðun, hafi hún ekki þegar verið framkvæmd á almanaksárinu, óháð skoðunarmánuði viðkomandi ökutækis.