Beiðni um nafnleynd í ökutækjaskrá

Hægt er að óska nafnleyndar í ökutækjaskrá til að koma í veg fyrir að nafn sé notað í markaðsstarfsemi eða birt við uppflettingu í skránni.

Ef óskað hefur verið eftir nafnleynd eru upplýsingar um nafn viðkomandi ekki veittar á:

• tölvuskrám

• listum

• límmiðum

• símleiðis

Upplýsingar um nafn eiganda ökutækis eru þó veittar ef framvísað er skriflegri beiðni ásamt skilríkjum, þar sem tilgreind er fullnægjandi ástæða fyrir beiðninni.

Allar slíkar beiðnir eru skráðar og varðveittar í tvö ár. Varðveittar eru:

• upplýsingar sem veittar eru úr ökutækjaskrá

• nafn þess sem fær upplýsingarnar

• rafrænn uppruni fyrirspurnarinnar