Virknisamningur er endurgreiðslusamningur við atvinnurekendur sem ráðið hafa fólk með sjúkra- og endurhæfingargreiðslur eða hlutaörorkulífeyri til starfa. Endurgreiðslusamningnum er ætlað að auka tækifæri fyrir atvinnuleitendur með skerta starfsgetu til þátttöku á almennum vinnumarkaði.
Skilyrði
Starfsmaður er 18-67 ára.-Starfsmaður fær greiddan sjúkra- og endurhæfingarlífeyri/ hlutaörorkulífeyri.
Endurgreiðslusamningar skulu vera í samræmi við gildandi kjarasamninga í þeirri starfsgrein sem starfið tilheyrir. Samningurinn skal aldrei vera lægri en lágmarkslaun.
Atvinnurekandi þarf að sækja um Virknisamning og skrá starf inn á „mínum síðum“ atvinnurekenda.
Að minnsta kosti einn starfsmaður verður að vera á launaskrá í hlutaðeigandi fyrirtæki, stofnun eða félagasamtökum áður en sótt er um Virknisamning.
Fyrirtæki, stofnun eða félagasamtök séu í skilum hvað varðar launatengd- og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingargjald.
Endurgreiðsla
Styrkurinn til atvinnurekenda er sem nemur fjárhæð grunnatvinnuleysisbóta í hlutfalli við starfshlutfall viðkomandi, þar að auki er greitt 11,5% mótframlag af styrkfjárhæð i lífeyrissjóð.
Virknisamningur er gerður í allt að 12 mánuði, í undantekninga tilfellum er heimilt að framlengja gildistíma samnings um 6 mánuði að hámarki.
Spurt og svarað um Virknisamning
Virknisamningur er endurgreiðslusamningur við atvinnurekendur sem ráðið hafa fólk með hlutaörorku eða sjúkra- og endurhæfingargreiðslur. Samningnum er ætlað að auka tækifæri fyrir atvinnuleitendur með skerta starfsgetu til þátttöku á vinnumarkaði.
Starfsmaður þarf að vera á aldrinum 18-67 ára.
Starfið sem viðkomandi sinnir þarf að vera á almennum vinnumarkaði.
Starfsmaður þarf að fá greidda hlutaörorku eða sjúkra- og endurhæfingargreiðslur frá Tryggingarstofnun.
Laun skulu vera í samræmi við gildandi kjarasamninga í þeirri starfsgrein sem starfið tilheyrir. Samningurinn skal aldrei vera lægri en lágmarkslaun.
Atvinnurekandi þarf að:
Vera með að minnsta kosti einn starfsmann á launaskrá áður en sótt er um.
Fyrirtæki, stofnun eða félagasamtök séu í skilum hvað varðar launatengd- og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingargjald.
Skrá starf/störf og sækja um á „Mínum síðum“ atvinnurekenda.
Greiða laun samkvæmt gildandi kjarasamningi.
Styrkurinn til atvinnurekenda er sem nemur fjárhæð grunnatvinnuleysisbóta í hlutfalli við starfshlutfall viðkomandi, þar að auki er greitt 11,5% mótframlag af styrkfjárhæð i lífeyrissjóð.
Dæmi: Grunnatvinnuleysisbætur með 11,5% mótframlagi eru 428.015 kr.
Endurgreiðsla fyrir atvinnuleitanda sem er í 30% starfi er því 128.405 kr.
Endurgreiðsla fyrir atvinnuleitanda sem er í 50% starfi er því 214.008 kr.
Virknisamningur er gerður í allt að 12 mánuði, í undantekninga tilfellum er heimilt að framlengja gildistíma samnings um 6 mánuði að hámarki.
