Ný stjórnmálasamtök sem ætla að bjóða fram til Alþingis þurfa að sækja um listabókstaf og staðfest heiti stjórnmálasamtakanna til dómsmálaráðuneytisins. Sjá nánar hér.
Umsóknin þarf að uppfylla eftirfarandi skilyrði:
umsókn verður að berast ráðuneytinu eigi síðar en þremur sólarhringum áður en framboðsfrestur rennur út
umsókn skal fylgja yfirlýsing a.m.k. 300 kjósenda
skýrt þarf að koma fram í yfirlýsingunni að mælt sé með heiti samtakanna og úthlutun tiltekins listabókstafs
yfirlýsingin skal dagsett, og þar skal koma fram nafn meðmælanda, kennitala hans og heimili.
heiti stjórnmálasamtakanna má ekki vera þannig að ætla megi að villst verði á því og heiti samtaka sem þegar eru á skrá um listabókstafi og heiti stjórnmálasamtaka.
Stjórnmálasamtök sem fengu úthlutuðum listabókstaf fyrir síðustu kosningar:
B-listi: Framsóknarflokkur
C-listi: Viðreisn
D-listi: Sjálfstæðisflokkur
F-listi: Flokkur fólksins
J-listi: Sósíalistaflokkur Íslands
M-listi: Miðflokkurinn
O-listi: Frjálslyndi lýðræðisflokkurinn
P-listi: Píratar
S-listi: Samfylkingin – jafnaðarflokkur Íslands
V-listi: Vinstrihreyfingin – grænt framboð
Y-listi: Ábyrg framtíð
Framboð eftir kjördæmum
Stjórnmálasamtök geta boðið fram í einu eða fleiri kjördæmum. Frambjóðendur þurfa ekki að eiga lögheimili í því kjördæmi sem þeir bjóða sig fram í.
Hver má bjóða sig fram?
Allir sem hafa kosningarrétt og eru með óflekkað mannorð.
Hæstaréttardómarar mega ekki bjóða sig fram.
Framboðslistar
Á framboðslistum þurfa að vera a.m.k. jafn mörg nöfn og þingsæti kjördæmisins og ekki fleiri en tvöföld sú tala.