Landskjörstjórn kemur saman til fundar þriðjudaginn 10. desember 2024 kl. 11:00 til að úthluta þingsætum á grundvelli kosningaúrslita í kjördæmum eftir alþingiskosningarnar sem fóru fram þann 30. nóvember sl.

Umboðsmönnum þeirra stjórnmálasamtaka sem buðu fram við alþingiskosningarnar er gefinn kostur á að koma til fundarins sem haldinn verður í fyrirlestrasal Stofnunar Árna Magnússonar í íslenskum fræðum, Eddu, að Arngrímsgötu 5, Reykjavík.

Fundinum verður streymt á kosning.is.