Tilkynna netglæp

Hvað eru netglæpir?

Þegar þrjótar blekkja og svíkja pening af fólki, kúga það eða áreita á netinu kallast það netglæpur. Netsvik og stafræn brot eru sífellt að færast í aukana og nauðsynlegt er að tilkynna þau til lögreglu til að geta spornað við þeim.

Ef þú telur þig hafa lent í netglæp, eða tilraun til netglæps, er mikilvægt að gera viðeigandi ráðstafanir og tilkynna það til lögreglu.

Hér er hægt að tilkynna fjársvik og tilraunir til fjársvika en aðra netglæpi þarf enn sem komið er að tilkynna beint til lögreglu.

Fyrirtæki og stofnanir ættu að tilkynna netöryggisatvik til CERT-IS og öryggisbresti til Persónuverndar.