Yfirlæknir taugalækninga við Sjúkrahúsið á Akureyri

Sjúkrahúsið á Akureyri óskar eftir að ráða yfirlækni í taugalækningum við lyflækningadeild. Um er að ræða 100% stöðu. Staðan er laus eftir samkomulagi.

Komdu í lið með okkur og finndu jafnvægið fyrir norðan!

Af hverju Sjúkrahúsið á Akureyri?

• Góð starfsaðstaða og sterk fagleg samvinna

• Tækifæri til kennslu og þróunar

• Lífsgæði og samfélag

• Náttúruperla með frábærum möguleikum til útivistar

• Jafnvægi milli vinnu og einkalífs

• Sterk liðsheild

• Yfirlæknir ber faglega ábyrgð á taugalækningum á SAk

• Uppbygging teymisþjónustu fyrir sjúklinga með MS á Norður- og Austurlandi

• Þróun dag- og göngudeildar taugasjúkdóma

• Vinna á dag- og göngudeild

• Þátttaka í læknisþjónustu öldrunar- og líknarteymis SAk á lyflækningadeild

• Ráðgjöf í taugalækningum

• Kennsla heilbrigðisstarfsmanna og nema

• Fullgilt íslenskt lækningaleyfi og fullgild sérfræðiréttindi í taugalækningum

• Þekking og reynsla af teymisvinnu með MS sjúklinga

• Breið þekking og reynsla í taugasjúkdómum

• Mjög gott vald á íslensku

• Hæfni til að vinna sjálfstætt og sýna frumkvæði

• Hæfni og geta til að vinna í teymi

• Samskiptahæfni og lipurð í mannlegum samskiptum

• Við ráðningu verður lögð áhersla á faglega þekkingu og reynslu ásamt hæfileikum á sviði samskipta, samvinnu og sjálfstæðra vinnubragða

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á.

Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.