Gæða- og skjalastjóri hjá lögreglustjóranum á höfuðborgarsvæðinu

Lögreglustjórinn á höfuðborgarsvæðinu (LRH) leitar eftir metnaðarfullum og framsýnum leiðtoga í stöðu Gæða- og skjalastjóra. Um er að ræða spennandi, krefjandi og fjölbreytt starf sem heyrir undir Þjónustudeild embættisins.

Þjónustudeild sinnir stoð- og þjónustuhlutverkum fyrir bæði almenning og aðra hluta lögreglu. Deildin starfrækir m.a. ritaraþjónustu, skýrsluþjónustu, sektarþjónustu, þjónustuborð og munavörslu. Deildin hefur nýlega flutt í nýtt sameinað rými sem hefur skapað líflegt vinnuumhverfi þar sem teymisandi er í forgrunni. Jafnframt er verið að innleiða nýtt þjónustukerfi og kortleggja þjónustuferla með einföldun og skilvirkni að leiðarljósi.

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á jafnrétti, starfsánægju, heilbrigðan starfsanda, traust og gagnsæi í samskiptum og að starfsfólk búi yfir þekkingu og hæfni til að takast á við fjölbreytileg verkefni. Starfsfólk embættisins er um 450 á fjórum megin starfsstöðvum.

Gildi embættis lögreglustjórans á höfuðborgarsvæðinu eru TRAUST, FAGMENNSKA og ÖRYGGI.

• Ábyrgð á gæða- og skjalastjórnun embættisins og mótun stefnu á þeim sviðum, með áherslu á stafræna vegferð.

• Samhæfing á gæðastarfi LRH og yfirsýn yfir hin ýmsu verkefni því tengdu.

• Stýring og viðhald á gæðaskjölum á rafrænu gæðatorgi embættisins.

• Eftirfylgni við skjalastefnu og mótun verklags við skjalastjórnun.

• Stýring og þróun skjalakerfi LRH.

• Ráðgjöf og stuðningur við verkefni starfsfólks á sviði gæða- og skjalamála.

• Umsjón fræðslu og leiðbeininga í gæðamálum og skjalastjórnun fyrir starfsfólk LRH.

• Umsjón með samskiptum LRH við Þjóðskjalasafn Íslands og aðra hagaðila.

• Háskólamenntun sem nýtist í starfi

• Reynsla og þekking á gæðastjórnun og skjalastjórnun

• Reynsla af innleiðingu rafrænnar skjalavistunar og stafrænum umbreytingaverkefnum

• Þekking á skjalastjórnunarkerfi s.s GoPro

• Þekking á opinberri stjórnsýslu og meðferð stjórnsýsluerinda

• Reynsla af breytingastjórnun og fræðslu fyrir starfshópa

• Framúrskarandi samskiptahæfni og rík þjónustulund

• Frumkvæði, sveigjanleiki og gott álagsþol

• Skipulögð, vönduð og nákvæm vinnubrögð

• Jákvætt og lausnamiðað viðhorf og sterk stafræn sýn

• Gott vald á íslensku og ensku í ræðu og riti

Þess er vænst að umsækjendur hafi reynslu af störfum þar sem reynt hefur á þessa eiginleika og færni.

Umsókn skal fylgja ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Við ráðningar hjá LRH er tekið mið af jafnréttisáætlun embættisins.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til að sannreyna þetta er lögreglu heimil að afla upplýsinga úr sakaskrá og málskrá lögreglu sbr. 28. gr.a. lögreglulaga nr. 90/1996.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu hefur verið tekin.

Umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna nr. 1000/2019 um auglýsingar á lausum störfum, sem settar eru samkvæmt heimild í 3. mgr. 7. gr. laga nr. 70/1996 um réttindi og skyldur starfsmanna ríkisins.