Sviðsstjóri náms- og kennsluþjónustu

Háskólinn á Akureyri leitar að öflugum og framsýnum sviðsstjóra í nýtt lykilstarf innan skólans. Starfið býður upp á einstakt tækifæri til að móta náms- og kennsluþjónustu og hafa raunveruleg áhrif á starfsemi og framtíðarþróun háskólans. Leitað er að reyndum stjórnanda með góða þekkingu og reynslu af stjórnun þjónustu eða stoðeininga með áherslu á gæði og notendamiðaða nálgun.

Viðkomandi gegnir lykilhlutverki í stjórnendateymi rektors og vinnur náið með rektor og öðrum stjórnendum að stefnumótun, ákvarðanatöku og áframhaldandi uppbyggingu starfseminnar. Starfið felur í sér leiðtogahlutverk þar sem áhersla er lögð á umbætur, góð samskipti og gagnadrifna nálgun.

Háskólinn á Akureyri er eftirsóknarverður vinnustaður þar sem ríkir jákvætt starfsumhverfi, öflug liðsheild og metnaður fyrir fagmennsku og þróun sem endurspeglast m.a. í góðum niðurstöðum í könnuninni Stofnun ársins.

Næsti yfirmaður er rektor Háskólans á Akureyri.

Starfsstöðin er á háskólasvæðinu á Akureyri.

Æskilegt er að viðkomandi getið hafið störf sem fyrst.

• Ber ábyrgð á og mótar faglega uppbyggingu náms- og kennsluþjónustu háskólans.

• Leiðir stefnumótun, áætlanagerð og eftirfylgni með einingum sem eiga að styðja við kennara og nemendur, í nánu samstarfi við rektor og stjórnendateymi háskólans.

• Ber rekstrarlega og fjárhagslega ábyrgð á stoðeiningum sem undir hann heyra.

• Leiðir stöðugar umbætur, stafræna þróun og gæðastarf sviðsins.

• Eflir samstarf við fræðasvið og aðrar einingar.

• Tryggir samræmda, aðgengilega og skilvirka þjónustu við nemendur og starfsfólk háskólans.

Sviðsstjóri náms- og kennsluþjónustu situr samráðsfundi rektors með forsetum fræðasviða og sviðsstjórum háskólans. Þær einingar sem heyra undir sviðsstjóra náms- og kennsluþjónustu eru: Miðstöð alþjóðasamskipta, kennslu- og upplýsingatæknimiðstöð, nemendaráðgjöf, nemendaskrá og upplýsingaþjónusta og bókasafn.

• Háskólapróf að lágmarki meistarastigi (eða sambærilegt) á viðeigandi sviði.

• Farsæl reynsla af stjórnun og uppbyggingu teyma.

• Reynsla af breytingastjórnun, þjónustuþróun og samhæfingu ferla kostur.

• Reynsla af háskólaumhverfi er kostur.

• Reynsla af nemendakerfum er kostur.

• Framúrskarandi samskipta- og samstarfshæfni og geta til að byggja upp traust og ná árangri í samstarfi við ólíka hagsmunaaðila.

• Þjónustulund, fagmennska og öflug framkvæmdahæfni.

• Geta til að vinna sjálfstætt, forgangsraða og leiða umbætur með gagnadrifinni nálgun.

• Góð íslensku- og enskukunnátta.

Umsókn skal fylgja:

• Greinargott yfirlit yfir náms- og starfsferil.

• Staðfest afrit af viðeigandi prófskírteinum.

• Kynningarbréf þar sem gerð er grein fyrir ástæðu umsóknar og hæfni umsækjanda.

• Nöfn að minnsta kosti tveggja meðmælenda.

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

• Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.

• Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.

• Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.