Hjúkrunarfræðingur á heilsugæslu- HSN Sauðárkrókur

Heilbrigðisstofnun Norðurlands (HSN) á Sauðárkróki óskar eftir að ráða metnaðarfullan og jákvæðan hjúkrunarfræðing til starfa á heilsugæslu. Starfið býður upp á fjölbreytt verkefni og tækifæri til starfsþróunar í hlýlegu og uppbyggilegu umhverfi. Starfshlutfall er 80-100%. Æskilegt er að viðkomandi geti hafið störf sem fyrst og í síðasta lagi 1. september 2026. Verkefni ráðast af áhuga og hæfni viðkomandi og geta m.a verið á eftirfarandi sviðum:

• Skólahjúkrun

• Ungbarnavernd

• Heimahjúkrun

• Önnur störf sem tilheyra heilsugæslu

Hjá Heilbrigðisstofnun Norðurlands á Sauðárkróki starfar öflugur hópur starfsfólks þar sem áhersla er lögð á vellíðan á vinnustað, teymisvinnu og tækifæri til vaxta og starfsþróunar.

Sauðárkrókur er blómlegt og fjölskylduvænt samfélag. Leik-, grunn- og framhaldsskóli er á svæðinu ásamt allri helstu þjónustu. Íþrótta- og menningarlíf er sterkt og fjölbreytt tækifæri er til útivistar og náttúrupplifana.

Húsnæðisaðstoð er í boði ef þess er óskað.

• Almenn hjúkrun og umönnun

• Stuðningur, ráðgjöf og hjúkrunarmeðferð

• Þátttaka í teymisvinnu, umbótaverkefnum og að vinna að góðri liðsheild

• Samstarf við aðra faghópa innan stofnunarinnar

• Önnur tilfallandi verkefni skv. beiðni stjórnanda og skv. lögum og reglugerðum

• Fullgilt hjúkrunarpróf og íslenskt starfsleyfi

• Reynsla sem nýtist í starfi er kostur

• Frumkvæði og sjálfstæði í vinnubrögðum

• Skipulagshæfni og öguð vinnubrögð

• Íslenskukunnátta skilyrði

• Frábær samskiptahæfni, jákvæðni og sveigjanleiki

• Reynsla og/eða áhugi á teymisstarfi

• Faglegur metnaður og lausnamiðun

• Gott orðspor og hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja ítarleg náms- og starfsferilskrá auk kynningarbréfs á íslensku þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Með umsókn skal einnig fylgja afrit af starfsleyfi og prófskírteini.

Fólk af öllum kynjum er hvatt til að sækja um. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi okkar eru Fagmennska - Samvinna - Virðing