Saksóknarfulltrúi - Lögreglustjórinn á Norðurlandi eystra

Lögreglustjórinn á Norðurlandi eystra auglýsir laust til umsóknar starf saksóknarfulltrúa við embættið með starfsstöð á Akureyri. Um er að ræða tímabundna afleysingu frá 1. ágúst 2026 til og með 31. júlí 2027.

Framtíðarsýn embættis Lögreglustjórans á Norðurlandi eystra er framsækið embætti fyrir vaxandi samfélag.

Starfið felst einkum í afgreiðslu lögreglumála, aðstoð við ákvörðun um saksókn, umsjón með sektargerðum, samningu ákæra og greinargerða. Í starfinu felst náið samstarf við lögreglu, skipulag verkefna, aðstoð við rannsóknir á rannsóknarstigi og fyrir dómi, málsmeðferð og flutningur sakamála fyrir dómi, umsagnir um útgáfu leyfa og útgáfa þeirra, auk annarra tilfallandi verkefna sem starfsmanni kunna að vera falin.

Mikilvæg hæfni:

• Embættis- eða meistarapróf í lögfræði (ML eða Cand.Jur.) er skilyrði

• Góð þekking á sakamálaréttarfari er kostur

• Starfsreynsla á sviði sakamála kostur

• Þekking eða reynsla á sviði stjórnsýslu kostur

• Mjög góð íslenskukunnátta og færni til að tjá sig í ræðu og riti

• Gott vald á ensku

Mikilvægir eiginleikar:

• Framúrskarandi hæfni í mannlegum samskiptum og hæfni til að starfa í hóp

• Frumkvæði og sjálfstæði í starfi

• Skipulögð og nákvæm vinnubrögð

• Lausnamiðað og jákvætt viðhorf

• Sveigjanleiki og gott álagsþol

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Um fullt dagvinnustarf er að ræða, en saksóknarfulltrúi sinnir þó einnig bakvöktum.

Umsókn skal fylgja ferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum ásamt nöfnum tveggja umsagnaraðila. Umsækjendur eru beðnir um að vanda umsóknir sínar.

Öllum umsóknum verður svarað þegar ákvörðun um ráðningu hefur verið tekin. Umsóknir um starfið gilda í sex mánuði.

Vakin er athygli á því að engan má ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem rýrt getur það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá eða málaskrá lögreglu, sbr. 28. gr. a. lögreglulaga nr. 90/1996.