Iðjuþjálfi á Landakoti

Við óskum eftir iðjuþjálfa í okkar góða hóp á Landakoti sem saman stendur af iðjuþjálfum og aðstoðarmönnum. Óskað er eftir iðjuþjálfa sem sinnir endurhæfingu með sérstaka áherslu á handarþjálfun. Markmið endurhæfingar er að gera einstaklinginn eins sjálfbjarga líkamlega, andlega og félagslega og geta hans leyfir. Leiðir að þeim markmiðum eru margar og eru unnar í öflugri þverfaglegri teymisvinnu. Miklir möguleikar á sérhæfingu meðal annars handaþjálfun svo reymslumiklir sem og reynsluminni iðjuþjálfar eru hvattir til að sækja um.

Í iðjuþjálfun á Landspítala starfa um 30 iðjuþjálfar og aðstoðarmenn sem dreifast víða um spítalann. Störf okkar eru fjölbreytt og gefst starfsfólki tækifæri á að öðlast víðtæka þekkingu innan fagsins. Mikið faglegt starf er unnið og eru ýmsir möguleikar á endurmenntun. Við leggjum mikla áherslu á að taka vel á móti nýju samstarfsfólki og veita góða aðlögun. Áhugasömum er bent á að hafa samband við Svanborgu Guðmundsdóttur yfiriðjuþjálfa á Landakoti til að fá nánari upplýsingar.

Um er að ræða framtíðarstarf þar sem unnið er í dagvinnu og sveigjanlegur vinnutími í boði. Starfshlutfall er 80-100% og er starfið laust nú þegar eða samkvæmt nánara samkomulagi. Vinnuvika í fullu starfi er 36 klukkustundir.

• Ábyrgð á þeirri iðjuþjálfun sem hann veitir og mat á árangri meðferðar

• Umsjón yfir handarþjálfun

• Skráning og skýrslugerð

• Fræðsla og skipulagning starfa aðstoðarfólks iðjuþjálfa á deild/um

• Fræðsla til sjúklinga og aðstandenda

• Þátttaka í þverfaglegu samstarfi/teymi

• Þátttaka í fagþróun

• Íslenskt starfsleyfi sem iðjuþjálfi

• Faglegur metnaður og ábyrgð í starfi

• Hæfni í mannlegum samskiptum og jákvætt viðhorf

• Skipulagshæfni, frumkvæði og sjálfstæði í vinnubrögðum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, sérfræðingur í hjúkrun, hjúkrun

Tungumálahæfni. íslenska 4/5

Staðsetning: Túngötu, 101 Reykjavík