Eðlisfræðikennari í MK

Menntaskólinn í Kópavogi auglýsir eftir eðlisfræðikennara í eina önn frá og með 1. ágúst 2026 með möguleika á áframhaldandi ráðningu sem ræðst m.a. af kennslumagni. Um 75% stöðu er að ræða.

Menntaskólinn í Kópavogi er framhaldsskóli sem kennir samkvæmt áfangakerfi og býður upp á kennslu til stúdentsprófs á bóknámsbrautum, einnig kennslu á iðn- og verknámsbrautum á matvælasviði og kvöldnám í leiðsögn. Um 100 starfsmenn starfa við skólann og eru nemendur um 1000.

Kennsla og námsmat

Faglegt samstarf

Önnur verkefni samkvæmt starfslýsingu

Umsækjendur skulu uppfylla kröfur um menntun og hæfni skv. lögum nr. 95/2019.

Háskólamenntun sem nýtist við kennslu í eðlisfræði.

Eiga sögu um góð og jákvæð samskipti í starfi.

Hafa reynslu af kennslu eða vinnu með ungu fólki.

Búa yfir faglegum metnaði, frumkvæði, öguðum vinnubrögðum og jákvæðu hugarfari.

Búa yfir hæfni til að starfa með öðrum sem og að vinna sjálfstætt.

Góð tölvukunnátta er nauðsynleg.

Góð hæfni í íslensku í ræðu og riti.

Kostur ef viðkomandi getur kennt fleiri greinar.

Við ráðningu verður miðað við að sá er starfið hlýtur falli sem best að aðstæðum og þörfum skólans.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsóknum skal skilað í gegnum Starfatorg, starfatorg.is, og skal náms- og starfsferilsskrá fylgja með innsendri umsókn sem og sakavottorð og leyfisbréf. Mikilvægt er að umsækjandi láti þau gögn fylgja með sem viðkomandi telur að skipti máli í ráðningarferlinu og skulu innsend gögn vera á íslensku. Einungis innsend gögn verða lögð til grundvallar ráðningu og ráða vali þeirra sem kallaðir verða í starfsviðtal.

Í samræmi við jafnréttisáætlun skólans er fólk af öllum kynjum hvatt til að sækja um.

Umsóknir geta gilt í 6 mánuði frá því að umsóknarfrestur rennur út sbr. 2. gr. reglna nr. 1000/2019, um auglýsingar á lausum störfum.