Aðstoðardeildarstjóri - Skurðdeild - Neskaupstaður

Heilbrigðisstofnun Austurlands (HSA) óskar eftir að ráða aðstoðardeildarstjóra á skurðdeild Umdæmissjúkrahúss Austurlands í Neskaupstað. Um er að ræða a.m.k. 90% starfshlutfall í dagvinnu með breytilegum vinnutíma og í starfinu felast bakvaktir. Staðan er laus frá 1. júlí 2026.

Í starfi aðstoðardeildarstjóra felst m.a. að skipuleggja starf deildarinnar með deildarstjóra og leysa hann af í fríum.

Krafist er íslensks hjúkrunarleyfis og diplómu í skurðhjúkrun. Töluverð reynsla af vinnu á skurðstofu æskileg. Lögð er áhersla á metnað í starfi, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta áskilin.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.