Sjúkraliði á göngudeild þvagfæra

Við leitum eftir áhugasömum sjúkraliða til starfa á göngudeild þvagfæra 11A við Hringbraut. Um er að ræða fjölbreytt, spennandi og gefandi dagvinnustarf sem snýr m.a. að móttöku sjúklinga, undirbúningi fyrir aðgerðir og vinnu inn á aðgerðarherbergi.

Starfsemin einkennist af teymisvinnu, góðum starfsanda, faglegum metnaði og sterkri liðsheild. Göngudeildin er framsækin deild og markvisst er unnið að umbótum og framþróun í starfi. Auk þess eru spennandi verkefni í stafrænni þróun og þróun fjarþjónustu innan dag- og göngudeilda.

Á göngudeild þvagfæra er veitt sérhæfð og fjölbreytt göngudeildarþjónusta við sjúklinga með sjúkdóma í þvagfærum. Við veitum meðferð í nýrnasteinbrjótnum, sinnum þvaglekamóttöku auk þess fara fram ýmsar rannsóknir, greiningar og meðferðir á sjúkdómum í þvagfærum. Aukning er á skurðaðgerðum sem eru að þróast og færast yfir á göngudeildina. Lögð er rík áhersla á ráðgjöf og kennslu utan sem innan Landspítala.

Við tökum vel á móti sjúkraliðum, reynslumiklum sem og nýútskrifuðum og veitum einstaklingbundna aðlögun undir leiðsögn reyndra sjúkraliða.

Starfshlutfall er samkomulag (80-100%), unnið er í dagvinnu og er starfið laust frá 1. júní 2026 eða eftir samkomulagi. Áhugasamir hafi samband við Huldu Pálsdóttur, deildarstjóra.

Vinnuvika starfsfólks í fullri dagvinnu er 36 stundir Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Vinna á aðgerðarherbergi

• Móttaka sjúklinga

• Undirbúningur fyrir aðgerðir

• Hreinsun, umhirða og frágangur tækja og áhalda

• Eftirlit með birgðum og lager

• Þátttaka í teymisvinnu

• Íslenskt sjúkraliðaleyfi

• Geta til að starfað sjálfstætt

• Góð reynsla af sjúkraliðastörfum æskileg

• Jákvætt viðhorf og góðir samskiptahæfileikar

• Faglegur metnaður og frumkvæði í starfi

• Hæfni og geta til að starfa í teymi

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklinga starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sjúkraliði, teymisvinna

Tungumálahæfni: Íslenska 4/5

Staðsetning: Hringbraut, 101 Reykjavík