Framkvæmdastjóri lækninga

Heilbrigðisstofnun Suðurlands (HSU) auglýsir laust til umsóknar starf framkvæmdastjóra lækninga. Leitað er eftir kraftmiklum, metnaðarfullum og farsælum stjórnenda. Framkvæmdastjóri lækninga situr í framkvæmdastjórn HSU og heyrir undir forstjóra. Starfshlutfallið er 100% og er ráðið í starfið frá og með 1. júní nk. eða eftir samkomulagi.

Starfið felur í sér faglega forystu, stefnumótun og þróun læknisþjónustu í einu stærsta og víðfeðmasta heilbrigðisumdæmi landsins. Framkvæmdastjóri lækninga ber faglega ábyrgð á læknisþjónustu stofnunarinnar auk þess sem hann ber ábyrgð á klínísku sviði.

HSU veitir víðtæka og samþætta heilbrigðisþjónustu um allt Suðurland, þar á meðal heilsugæsluþjónustu, sjúkrahús- og göngudeildarþjónustu, hjúkrunarþjónustu auk sjúkraflutninga. Áhersla er lögð á jafnt aðgengi, öryggi, gæði þjónustu og öflugt þverfaglegt samstarf.

• Ber ábyrgð á að móta og leiða faglega stefnu læknisþjónustu í samræmi við markmið HSU þvert á stofnunina

• Ber ábyrgð á klínísku sviði, þ.m.t. rekstri, mannauði og samhæfingu þjónustu, með það að markmiði að tryggja heildstæða og skilvirka starfsemi samhliða sterkri faglegri forystu

• Ber ábyrgð á að tryggja gæði, öryggi og samræmingu læknisþjónustu á öllum starfseiningum HSU

• Stuðlar að klínískum leiðbeiningum og stöðluðum verklagsreglum

• Eflir faglega þróun og stuðlar að öflugri starfsþróun og menntun

• Tekur virkan þátt í stefnumótun, rekstri og þróun stofnunarinnar sem hluti af framkvæmdastjórn

• Ber ábyrgð á samvinnu milli fagsviða og heilbrigðisstétta og stuðlar að virkri teymisvinnu

• Vera faglegur ráðgjafi lækna, stjórnanda og er tengiliður við aðrar heilbrigðisstofnanir

• Stuðlar að nýsköpun, umbótum og skilvirkni í þjónustu

• Styður við rannsóknir, kennslu og þróunarstarf

• Læknisfræðimenntun og sérfræðileyfi er skilyrði

• Víðtæk reynsla af klínísku starfi er skilyrði

• Reynsla af stjórnunarstörfum og/eða leiðtogahlutverki er skilyrði

• Þekking og reynsla af rekstri og skipulagi heilbrigðisþjónustu er æskileg

• Jákvætt viðhorf og framúrskarandi hæfni í mannlegum samskiptum

• Leiðtogahæfileikar og geta til að hrinda breytingum í framkvæmd

• Frumkvæði, áræðni og skipulagshæfni

• Mjög góð íslenskukunnátta og góð enskukunnátta

• Hæfni í tjáningu í ræðu og riti

• Brennandi áhugi á þróun þjónustu Heilbrigðisstofnunar Suðurlands

• Vilji til að helga sig sýn og gildum HSU

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Ráðið í starfið frá og með 1. júní nk. eða eftir samkomulagi.