Sumarstarf - Afgreiðsla umsókna um hjálpartæki (kjörið fyrir nema í sjúkraþjálfunarfræðum)

Sjúkratryggingar leita að öflugum og áhugasömum starfsmanni í sumarstarf við afgreiðslu umsókna um hjálpartæki hjá stofnuninni. Starfið er kjörið fyrir nemanda á þriðja ári í sjúkraþjálfunarfræðum sem vill öðlast innsýn í starfsemi opinberrar heilbrigðisþjónustu og taka þátt í verkefnum sem hafa raunveruleg áhrif á líf og sjálfstæði einstaklinga.

Sjúkratryggingar eru lykilstofnun í íslensku heilbrigðiskerfi sem tryggir réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu.

• Yfirferð og afgreiðsla umsókna um hjálpartæki

• Þátttaka í mati á þörf fyrir hjálpartæki

• Samstarf við starfsfólk hjálpartækjamiðstöðvar og aðra sérfræðinga

• Önnur tilfallandi verkefni samkvæmt nánara skipulagi

• Nemi á þriðja ári í sjúkraþjálfunarfræðum

• Áhugi á hjálpartækjum og þjónustu við notendur

• Jákvæðni og góð samskiptahæfni

• Frumkvæði, skipulagshæfni og nákvæmni í vinnubrögðum

• Gott vald á íslenskri tungu

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn þarf að fylgja ferilskrá og kynningarbréf þar sem gerð er grein fyrir hæfni umsækjanda sem nýtist í starfi er kostur. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.